namarië

[legolas verde folha]

Ai! Laurië lantar lassi súrinen ,​

yéni únotime ve rámar aldaron!​

Yéni ve lintë yuldar avánier ,​

mi oromadi lisse-miruvóreva​

Andúnë pella, Vardo tellumar​

nu luini yassen tintilar i eleni​

ómaryo airetári-lírinen.​

Sí man i yulma nin enquantuva ?​

An sí Tintallë Varda Oiolossëo​

ve fanyar máryat Elentari ortanë,​

ar ilyë tier undulávë lumbulë;​

ar sindanóriello caita mornië​

i falmalinnar imbë met, ar hísië​

untúpa Calaciryo míri oialë​

Sí vanwa ná, Rómello vanwa, Valimar!​

Namárië! Nai hiruvalyë Valimar.​

Nai elyë hiruva. Namárië!​

​

 

[legolas verde folha]

este poema /musica foi recitada/cantada pela senhora dos Galadhemmin (a Senhora de Galadriel)